最令家燕姐安心嘅，就係一家人健健康康、開開心心！

世界心臟日2026–27 愛心榮譽大使 薛家燕小姐：

除咗平日要好好照顧自己個心，學識一項急救技能，都係對身邊人多一份守護。

如果有一日，屋企人、朋友，甚至身邊一個陌生人突然暈低，面對心臟驟停，即時做心肺復甦法（CPR），同埋用自動心臟除顫器（AED），關鍵時刻就有機會幫佢爭取寶貴時間。

今年世界心臟日主題就係：「學識心肺復甦法 拯救生命你有法」

家燕姐最希望嘅，就係大家唔單止自己識，仲可以帶埋屋企人一齊學CPR 同AED！

27年1月10日，香港科學園仲有世界心臟日2026-27健心跑暨心臟健康嘉年華！

一家大細一齊做運動之餘，亦可以學多一項守護身邊人嘅技能。